സ്നേഹം

സ്നേഹം അളക്കുന്നവന്‍ വിഡ്ഢിയാണ് .... 
അത് അളക്കാവുന്നതല്ല സ്നേഹം അളക്കാന്‍ ശ്രമിക്കുമ്പോള്‍ അത് നമ്മില്‍ നിന്ന് അകന്നു പോകും .. അത് കിട്ടാതാകും. 
നമ്മള്‍ ഒരാളുടെ സ്നേഹത്തെ അളക്കുന്നു എന്നറിഞ്ഞാല്‍ അയാള്‍ക്ക് നമ്മളോട് വെറുപ്പ്‌ തോന്നും................................
സ്നേഹം അനുഭവിക്കേണ്ടതാണ്...സ്നേഹമാണ് എല്ലാം... പ്രപഞ്ചം മുഴുവന്‍ സ്നേഹം നിറഞ്ഞു നില്‍ക്കുന്നു ... എന്താണ് സ്നേഹമെന്ന് അനുഭവിച്ചറിയുക.



സ്നേഹം അനിര്‍വചനീയമാണ് .... ഓരോ രൂപത്തില്‍ ഭാവത്തില്‍ അത് വരുന്നു പ്രതീക്ഷിക്കുമ്പോള്‍ പ്രതീക്ഷിക്കാതെ ഇരിക്കുമ്പോള്‍ ഒക്കെ അത് നമ്മെ തേടിയെത്തുന്നു..

ഞാന്‍ ഒരു പൂവിനെ സ്നേഹിക്കുന്നു ... അത് തിരിച്ചു എനിക്കൊന്നും തരുന്നില്ല എങ്കിലും ഞാന്‍ അതിനെ സ്നേഹിച്ചുകൊണ്ടേ ഇരിക്കും ... പുഴയെ സ്നേഹിക്കുന്നു ...പ്രകൃതിയെ സ്നേഹിക്കുന്നു ...തിരികെ ഞാന്‍ ഒന്നും പ്രതീക്ഷിക്കുന്നില്ല അത് എങ്ങനെയാണോ അങ്ങനെ തന്നെ ഇരുന്നാല്‍ മതി വര്‍ഷങ്ങളോളം കാലങ്ങളോളം ഞാന്‍ അതിനെ സ്നേഹിച്ചു കൊണ്ടേയിരിക്കും ..
പൂവിനും പൂമ്പാറ്റയ്ക്കും മാത്രമല്ല വ്യക്തികള്‍ക്കും ലോകത്തിലെ എല്ലാത്തിനും ഇതു ബാധകമാണ്
 
... സ്നേഹിക്കുമ്പോള്‍ അതിന്റെ പ്രതിഫലം നമുക്ക് കിട്ടുന്നുണ്ട്‌ സ്നേഹിക്കപെടുമ്പോള്‍ കിട്ടുന്നതുപോലെ അനിര്‍വചനീയമായ അനുഭൂതി...

സ്നേഹിക്കുമ്പോള്‍ ചിലപ്പോഴൊക്കെ നമുക്ക് കിട്ടുന്നത് വേദനയാകം... എന്ന് കരുതി സ്നേഹത്തെ മുഴുവന്‍ വേണ്ടാന്ന് വയ്ക്കുകയും അതൊരു കൊടുക്കല്‍ വാങ്ങല്‍ ബിസിനസ്‌ ആണെന്ന് കരുതുകയും ചെയ്യരുത് ..
ചെയ്‌താല്‍ ആദ്യന്തികമായ നഷ്ടം നമുക്ക് തന്നെയാകും ...  

മരണാനന്തരം

ജനിക്കുന്ന എല്ലാവരും മരിക്കുന്നു. ഓരോ വ്യക്തിയും അവരുടെതായ ഒരു ജീവിതം നയിക്കുന്നു.
ഒരു മനുഷ്യന്‍ എന്നാല്‍ അയാളുടെ ശരീരം മാത്രമാണോ ?
ഒരുപോലെ ചിന്തിക്കുന്ന ഒരുപോലെ പ്രവര്‍ത്തിക്കുന്ന രണ്ടു വ്യക്തികള്‍ ഉണ്ടോ ഈ ലോകത്ത്‌ ?

എന്തുകൊണ്ട് അങ്ങനെ സംഭവിക്കുന്നില്ല ?
മനസ്സ് അല്ലെങ്കില്‍ ആത്മാവ് എന്നൊന്ന് എല്ലാ ശരീരത്തിലും കുടികൊള്ളുന്നു. ആത്മാവിന്റെ തീരുമാനങ്ങള്‍ നടപ്പിലാക്കാനുള്ള ഒരു ഉപകരണം മാത്രമായി ശരീരം നിലനില്‍ക്കുന്നു. അതുകൊണ്ടാണ് ഓരോ വ്യക്തിയും അവരുടേത് മാത്രമായ ഒരു ജീവിതം നയിക്കുന്നത് . മറ്റുള്ളവരില്‍ നിന്നും വ്യത്യസ്തമായത് . ഒരാള്‍ പത്തോ നാല്പതോ എഴുപതോ വര്‍ഷങ്ങള്‍ ജീവിക്കുന്നു എന്ന് വിചാരിക്കുക. ഒരാള്‍ക്കും മറ്റൊരാളുടെ ഒരു ദിവസം അപ്പാടെ അനുകരിക്കുവാന്‍ സാധ്യമല്ല.

ജനനം മുതല്‍ മരണം വരെ ഒരു യാത്രയാണ്, ഭൂമിയിലെ ഓരോ വ്യക്തിയും സാഹചര്യങ്ങള്‍ക്കനുസരിച്ച്  അവരുടേത് മാത്രമായ ഒരു പാത തിരഞ്ഞെടുക്കുന്നു അല്ലെങ്കില്‍ ഒരു പാതയിലേക്ക് എത്തിപ്പെടുന്നു.ആ പാത എപ്പോള്‍ അവസാനിക്കും എന്നവനു അറിയില്ല.. അനന്തമായി തോന്നിപ്പിക്കുന്ന ആ വഴിയിലൂടെ അവന്‍ നടക്കുന്നു, ആ യാത്ര ആസ്വദിക്കുന്നു. എന്നാല്‍ അത് അനന്തമല്ല അവന്‍ ചിലപ്പോള്‍ സ്വയം ആ യാത്ര അവസാനിപ്പിക്കുന്നു അല്ലെങ്കില്‍ അവന്‍ അറിയാതെ അത് അവസാനിക്കുന്നു. പാതയുടെ അവസാനം എന്നാല്‍ അവന്റെ ആത്മാവ് കുടികൊള്ളുന്ന ശരീരത്തിന്റെ നാശമാണ്. അവിടെ ശരീരത്തിന്റെ യാത്ര അവസാനിക്കുന്നു. ആത്മാവിന്റെയോ ?

അത് ഒരു ഉത്തരം കിട്ടാത്ത പ്രഹേളികയായി അവശേഷിക്കുന്നു. യുക്തിവാദികളില്‍ ചിലര്‍ അതോടെ എല്ലാം അവസാനിച്ചു എന്ന് കരുതുന്നു. മറ്റു ചിലര്‍ ശാസ്ത്രത്തിന്റെ സഹായത്തോടെ മരണാനന്തര ജീവിതത്തിലേക്ക് ഗവേഷണം നടത്തുന്നു.

ദൈവ വിശ്വാസികളെ സംബന്ധിച്ചടത്തോളം ഇങ്ങനെ സംശയങ്ങള്‍ ഒന്നുമില്ല മരണത്തിന് ശേഷം ദേഹി ദേഹം വിട്ടു ദൈവ രാജ്യത്തിലേക്ക് പോകുന്നു. ഭൂമിയില്‍ ചെയ്ത പാപങ്ങള്‍ക്കും പുണ്യ പ്രവര്‍ത്തികള്‍ക്കും പ്രതിഫലം ഏറ്റു വാങ്ങുന്നു. ചിലര്‍ പുനര്‍ജനിക്കുന്നു

 

മരണാനന്തര ജീവിതത്തെക്കുറിച്ച് ഒട്ടേറെ ചിന്തിക്കുകയും അന്ന്വേഷണങ്ങള്‍ നടത്തുകയും ചെയ്ത ജസ്റ്റിസ്‌ വി.ആര്‍. കൃഷ്ണയ്യരുടെ  ഒരു പുസ്തകം വായിച്ചു. അതില്‍ നിന്നും മനസ്സിലാക്കാന്‍ കഴിഞ്ഞത് ശാസ്ത്രത്തിനോ യുക്തിവാദികള്‍ക്കോ നിഷേധിക്കാന്‍ പറ്റാത്ത വിധം തെളിവുകളുടെ പിന്‍ബലത്തോടെ മരണാനന്തര ജീവിതം  എന്ന അറിവ് നിലനില്‍ക്കുന്നു എന്നാണു.

സുപ്രീം കോടതി ജഡ്ജിയായിരുന്ന,ഒരിക്കല്‍ ഒരു തികഞ്ഞ യുക്തിവാദിയായിരുന്ന അദ്ദേഹത്തിന്റെ വാക്കുകളില്‍ക്കൂടിയല്ലായിരുന്നെങ്കില്‍ ആ പുസ്തകത്തിലെ പല അനുഭവങ്ങളും വിവരണങ്ങളും ഒരു കെട്ടുകഥ പോലെ തള്ളിക്കളഞേനെ. സുപ്രസിദ്ധ എഴുത്തുകാരനായിരുന്ന ആര്‍. കെ. നാരായണന്റെ ചില അനുഭവങ്ങളും ഈ പുസ്തകത്തിലുണ്ട്.    

I'm wrecked.........

നമുക്ക്‌ എല്ലാര്ക്കും ഒരു അടിത്തറ ഉണ്ട് ... അതില്‍ നിന്നാണ് നമ്മള്‍ സ്വപ്‌നങ്ങള്‍ നെയ്യുന്നതും പ്രതീക്ഷകള്‍ ഉണ്ടാക്കുന്നതും ...
ആഗ്രഹങ്ങള്‍ നടക്കാതെ വന്നേക്കാം.., നമുക്ക് തളരാതെ പിടിച്ചു നില്‍ക്കാം....
വീണ്ടും പരിശ്രമിക്കാം പുതിയ ലക്ഷ്യങ്ങള്‍ക്കായി...
ദുരന്തങ്ങള്‍ വരാം...അവയെ നേരിടാം കടുത്ത മനശക്തിയോടുകൂടി....

പക്ഷെ ചവിട്ടി നില്‍ക്കുന്ന അടിത്തറ ഇളകിയാല്‍....അത് ഇല്ലാതായാല്‍...
ആഗ്രഹങ്ങള്‍ നശിക്കും...സ്വപ്നങ്ങളെ ഭയക്കും
ഭാവി എന്നതിനെക്കുറിച്ച് ഓര്‍ക്കാതാകും......
അത്രയും നാള്‍ കൊതിയോടെ കണ്ടിരുന്ന ജീവിതത്തെ വെറുക്കാന്‍ തുടങ്ങും...
അറിയാതെ എല്ലാം അവസാനിച്ചിരുന്നെങ്കില്‍ എന്ന് മാത്രമാകും ഒരേയൊരു സ്വപ്നം... ആഗ്രഹം.. പ്രതീക്ഷ !!

വിവാഹം

അവള്‍  - എനിക്ക് വിവാഹം വേണ്ടാ .... നല്ലൊരു ജോലി ചെയ്തു  ഒറ്റയ്ക്ക്  ജീവിക്കണം

 

അങ്ങനെ നിനക്ക് ജീവിക്കാന്‍ കഴിയില്ലാ....

നീ  ജോലി  ചെയ്യുന്നിടത്ത്  ആള്‍ക്കാര്‍ നിന്നെ സംശയ ദൃഷ്ടിയോടെ ആകും നോക്കുക ........

ഒരു ഭാര്യയും ഭര്‍ത്താവും കൈ കോര്‍ത്ത്‌ പിടിച്ചു നടന്നു പോകുന്നത് കാണുമ്പോള്‍ നിനക്ക് നഷ്ട ബോധം ഉണ്ടാകും ...

ഒരു കുഞ്ഞിനെ കാണുമ്പോള്‍ ഒന്ന് ലാളിക്കാന്‍  നിന്റെ മനസ്സ് കൊതിക്കും  ..

നിന്‍റെ വികാരങ്ങള്‍  അടിച്ചമര്‍ത്തേണ്ടി  വരും ..

നിന്‍റെ കൂടെയുള്ളവര്‍ അവരുടെ കുടുംബത്തിനെപ്പറ്റി സംസാരിക്കുമ്പോള്‍ നീ ഒറ്റപ്പെടും ....

ഇനീം ഉണ്ട് ഒത്തിരി  .... അനുഭവിക്കാതെ തന്നെ അല്പം  ചിന്തിച്ചാല്‍  കണ്ടെത്താന്‍ പറ്റുന്നവ ..

പക്ഷെ അങ്ങനെ ചിന്തിക്കാനുള്ള  പ്രായം നിനക്കായിട്ടില്ല .....  അച്ഛന്‍റെയും  അമ്മയുടെം  ചെല്ലക്കുട്ടിയാണ് നീ .....

ചിന്തകള്‍ ..

ഞാനൊരു പെണ്‍കുട്ടിയെ മറ്റുള്ളവരേക്കാള്‍ കൂടുതല്‍ ഇഷ്ടപ്പെടുന്നു , കാരണമെന്താണ്   ?

അവള്‍ക്കു  സൌന്ദര്യം കൂടുതലുള്ളതുകൊണ്ടാണോ ?

അവളുടെ രൂപം എന്നെ ആകര്ഷിച്ചതുകൊണ്ടാണോ ?

അതോ അവളുടെ പ്രവര്‍ത്തികളും സംസാരവും ഞാന്‍ ഇഷ്ടപ്പെടുന്നതുകൊണ്ടാണോ ?

അവള്‍ക്കു എന്റെ രീതികളോട് ചിന്തകളോട് മറ്റുള്ളവരേക്കാള്‍ നന്നായി ഇണങ്ങി ചേരാന്‍ കഴിയുന്നത്‌ കൊണ്ടാണോ  ?


ഒരാള്‍ അയാളുടെ ജീവിത പങ്കാളിയെ കണ്ടെത്താന്‍ സ്വീകരിക്കുന്ന മാര്‍ഗം എന്താണ് ?


ഈ ചോദ്യങ്ങളുടെ ഉത്തരം ഓരോരുത്തര്‍ക്കും വിഭിന്നമായിരിക്കും .............................

You & Me

Girl: നീയെന്റെ ആത്മാര്‍ത്ഥ സുഹൃത്താണ്‌ .

Boy: ഞാന്‍ നിന്നെ സ്നേഹിക്കുന്നു, പ്രണയിക്കുന്നു.

Girl: എനിക്ക് അതില്‍ താല്പര്യം ഇല്ല. ഞാന്‍ നിന്റെ സുഹൃത്താണ്‌.. a best friend

Boy: എങ്കില്‍ എന്തിനാണ് നീയെന്നെ എപ്പോഴും വിളിക്കുന്നത്‌?
ഫോണ്‍ എടുക്കാതിരുന്നാല്‍ പിന്നീട് പരിഭവിക്കുന്നത് ?
ഇടയ്ക്കിടയ്ക്ക് കാണണം എന്ന് പറയുന്നത് ?

ഒരു കാര്യവും ഇല്ലെങ്കിലും നൂറുകണക്കിന് മെസ്സേജുകള്‍  അയക്കുന്നത് .?

ഓണത്തിനും പിറന്നാളിനും ക്രിസ്തുമസിനും വാലന്റൈന്‍ ഡേക്കും  കാര്‍ഡുകള്‍ അയക്കുന്നത് ?

നിന്റെ എല്ലാ സുഹൃത്തുക്കളോടും നീ ഇങ്ങനെതന്നെയാണോ ?

Girl: അല്ല ഞാന്‍ നിന്നെ മാത്രമേ വിളിക്കാറുള്ളൂ , നിനക്ക് മാത്രമേ ഇങ്ങനെ മെസ്സേജുകള്‍ അയക്കാറുള്ളൂ ...

Boy: കാരണം ?

Girl: കാരണം എനിക്കറിയില്ല.. നീയെന്റെ ഏറ്റവും നല്ല സുഹൃത്തായതുകൊണ്ടാകാം 

Boy: നിന്റെ ജീവിതത്തില്‍ മറ്റൊരു ആണ്‍കുട്ടി വന്നാല്‍ നിനക്ക് എന്നോട് തുടര്‍ന്നും ഇതുപോലെ അടുപ്പം സൂക്ഷിക്കുവാന്‍ കഴിയുമോ ? നിന്റെ വിവാഹ ശേഷവും ?

Girl: അറിയില്ല , നമ്മള്‍ തമ്മിലുള്ള സുഹൃത്ബന്ധം എന്നും നിലനില്ക്കണമെന്ന് ഞാന്‍ ആഗ്രഹിക്കുന്നു

Boy: എന്നാല്‍ ഞാന്‍ പറയാം..

നിന്റെ ജീവിതത്തില്‍ ഇപ്പോള്‍ ഞാന്‍ മാത്രമേ ഉള്ളൂ. നീ എന്നെ ഗാഡമായി പ്രണയിക്കുന്നു. എന്നാല്‍ അത് സമ്മതിച്ചു തരാന്‍ നീ ഒരുക്കമല്ല കാരണം എന്നെങ്കിലും ഒരിക്കല്‍ നിനക്ക് എന്നെ മടുക്കുമ്പോള്‍ വിട്ടു പോകേണ്ടതായിട്ടുണ്ട് .

സൌഹൃദം എന്ന ലേബല്‍ ഒട്ടിച്ചു നിനക്ക് എന്നെ എത്ര വേണമെങ്കിലും പ്രണയിക്കാം . എന്റെ സ്നേഹം ആവോളം ആസ്വദിക്കാം, സമയമാകുമ്പോള്‍ വീട്ടുകാര്‍  കാണിച്ചു തരുന്ന പുരുഷന്റെ കഴുത്തില്‍ മാലയിട്ടു നിനക്ക് ഒരു നല്ല കുട്ടിയായി നടന്നു പോകാം ..

Girl: നമുക്ക് ഈ വിഷയം മാറ്റാം പ്ലീസ്‌

Boy: അതെ വിഷയം മാറ്റാം. എങ്കിലും എനിക്ക് നിന്നെ പോലെയാകാന്‍ കഴിഞ്ഞിരുന്നെങ്കില്‍ എന്നാശിച്ചു പോകുന്നു

സൂഫി - ഖവാലി ...

സൂഫി - ഖവാലി ...

കേട്ടിട്ടേ ഉണ്ടായിരുന്നില്ല ഇങ്ങനെയൊരു സംഗീതത്തെപ്പറ്റി..

അവതരിപ്പിക്കുന്നത്‌ ഹുസൈന്‍ ഗ്രൂപ്പ്‌ ...

വൈകിട്ട്   സമയം കളയാന്‍ നിശാഗന്ധിയില്‍ എത്തിയപ്പോള്‍ ഇതാണ് പ്രോഗ്രാം . .

പാട്ട് തുടങ്ങി താളവും, കേട്ടു കൊണ്ടിരിക്കെ വല്ലാത്ത ഒരു സുഖം തോന്നി ..

ചിലര്‍ താളത്തില്‍ കൈ കൊട്ടുന്നുണ്ടായിരുന്നു ..

ഹിന്ദി എനിക്ക് അറിയില്ല എങ്കിലും ആ വരികള്‍ എന്നെ എങ്ങോട്ടെക്കെയോ  കൊണ്ടുപോയി ...

സംഗീതം ഭാഷകള്‍ക്ക് അതീതമാണ് ..

ഞാന്‍ വേറെ ഒന്നിനെക്കുറിച്ചും ചിന്തിക്കാതെയായി ...

തികച്ചും ധ്യാനത്തില്‍ എന്ന പോലെ.. ആ സംഗീതം മാത്രം ..

അത് ഞാന്‍ കേള്‍ക്കുകയായിരുന്നില്ല.. ഞാന്‍ അതായിത്തീരുകയായിരുന്നു ..

ഞാന്‍ അറിയാതെ എന്റെ കൈകള്‍ താളം പിടിച്ചു... തല ആടാന്‍ തുടങ്ങി ...

ഇത്രയും മനോഹരമായ ഒരു അവസ്ഥയില്‍ ഇതിനുമുന്‍പ് ഒരിക്കലും ഞാന്‍  എത്തിച്ചേര്ന്നിട്ടുണ്ടായിരുന്നില്ല  ...

ചുറ്റും ഉണ്ടായിരുന്നതെല്ലാം മറഞ്ഞു... ഞാനും ആ സംഗീതവും മാത്രം ...