സൂഫി - ഖവാലി ...
കേട്ടിട്ടേ ഉണ്ടായിരുന്നില്ല ഇങ്ങനെയൊരു സംഗീതത്തെപ്പറ്റി..
അവതരിപ്പിക്കുന്നത്‌ ഹുസൈന്‍ ഗ്രൂപ്പ്‌ ...
വൈകിട്ട് സമയം കളയാന്‍ നിശാഗന്ധിയില്‍ എത്തിയപ്പോള്‍ ഇതാണ് പ്രോഗ്രാം . .
പാട്ട് തുടങ്ങി താളവും, കേട്ടു കൊണ്ടിരിക്കെ വല്ലാത്ത ഒരു സുഖം തോന്നി ..
ചിലര്‍ താളത്തില്‍ കൈ കൊട്ടുന്നുണ്ടായിരുന്നു ..
ഹിന്ദി എനിക്ക് അറിയില്ല എങ്കിലും ആ വരികള്‍ എന്നെ എങ്ങോട്ടെക്കെയോ കൊണ്ടുപോയി ...
സംഗീതം ഭാഷകള്‍ക്ക് അതീതമാണ് ..
ഞാന്‍ വേറെ ഒന്നിനെക്കുറിച്ചും ചിന്തിക്കാതെയായി ...
തികച്ചും ധ്യാനത്തില്‍ എന്ന പോലെ.. ആ സംഗീതം മാത്രം ..
അത് ഞാന്‍ കേള്‍ക്കുകയായിരുന്നില്ല.. ഞാന്‍ അതായിത്തീരുകയായിരുന്നു ..
ഞാന്‍ അറിയാതെ എന്റെ കൈകള്‍ താളം പിടിച്ചു... തല ആടാന്‍ തുടങ്ങി ...
ഇത്രയും മനോഹരമായ ഒരു അവസ്ഥയില്‍ ഇതിനുമുന്‍പ് ഒരിക്കലും ഞാന്‍ എത്തിച്ചേര്ന്നിട്ടുണ്ടായിരുന്നില്ല ...
ചുറ്റും ഉണ്ടായിരുന്നതെല്ലാം മറഞ്ഞു... ഞാനും ആ സംഗീതവും മാത്രം ...
